相信好多女仔都對市面上嘅豐胸療程好有興趣，不過又唔係每個女仔都夠膽去試.....始終要赤裸裸咁被人摸個胸、掂個胸，真係唔係個個人都接受到......不過好坦白講，我自己覺得比起飲木瓜奶豐胸、美胸油按摩之類，出去美容院做豐胸療程的確係有效好多，而且又唔洗自己落手按嚟按去咁麻煩，咪當出去做個facial囉......
不過今日講得豐胸療程，點都唔少得同大家分享吓我試過嘅豐胸療程~首先大家要有個概念，好多香港美容院嘅豐胸療程，都係會用「儀器+按摩」嘅方式，去做到豐胸效果，亦都係比較有效嘅方法之一，因為儀器同人手按摩其實都各有優劣，唔會好全面，如果你發現有豐胸療程只係用儀器或者人手按摩，咁就未必好Work啦.....
雖然話「儀器+按摩」係最好，但當然唔同美容院，用嘅儀器級數、按摩方法都會唔同啦，就算係用同一部機，好多時唔同美容院做出嚟嘅豐胸效果都會唔同，咁就係同個人體質有關啦~
有啲女仔以為自己天生平胸，其實係因為受到後天影響，好似姿勢唔啱、戴錯bra等等，搞到個胸變到平曬，呢種情況只要改善返唔啱嘅習慣，好多時平胸嘅問題都會有所改善~至於另外一啲女仔，就因為胸骨、肩胛骨、脊椎嘅問題，而令胸部變形，有時唔止平胸，就連副乳、大細胸呢啲問題都出曬嚟......想改善嘅話都真係唔容易！
今日我就想同大家分享吓2款豐胸療程，呢2款療程都係用唔同原理同方法，針對唔同嘅胸部問題，就算你係胸骨變形、脂肪移位、寒背等等原因，搞到胸形唔靚、有副乳、胸部下垂之類，都總有一個療程啱你做！
第一個嚟分享嘅，就係菅式美容嘅美乳骨気~菅式美容美乳骨気應該都有好多人聽過，因為菅式美容係Facebook同instagram都經常有出現好多廣告，而且佢地又會搵啲KOL試做療程做宣傳，有一排菅式美容嘅啪骨瘦面真係幾Hit架！菅式美容美乳骨気都係佢地嘅皇牌療程之一，上網睇都有唔少報道分享~
菅式美容美乳骨気主打用全天然、物理性嘅方式，利用人手按摩、儀器，加埋佢地獨家嘅美胸精油，全面改善胸部問題。之前因為係Facebook見到佢地有好多前後對比圖，效果睇落真係好好！所以我都將菅式美容美乳骨気呢個療程bookmark咗好耐，最後終於「的起心肝」，去試做一下！
分享我親身去試做菅式美容美乳骨気之前，先嚟講吓佢嘅價錢~好多醫美療程其實都有唔同嘅試做優惠，有啲仲係免費添！不過菅式美容美乳骨気就唔係啦......但係試做一次嘅話，價錢都唔係特別貴，上網book嘅話就$380/1次，Whatsapp book都得！
咁講返試做菅式美容美乳骨気個日，我揀咗去銅鑼灣，舖頭地址都近地鐵站嘅~上到舖頭登記咗，就會填返少少個人資料，等咗一陣，就有一位應該係顧問嘅職員出咗嚟，佢帶咗我去一間房到，一坐低就幾nice咁開始講吓菅式美容美乳骨気嘅野，同埋佢都會講吓胸形、乳房、胸骨等等嘅問題，就好似上咗一堂關於美胸、豐胸嘅lecture咁~講真，呢啲野唔係話每個人都想聽，但我就覺得知多少少，對於日常改善胸部問題，都有一定幫助嘅~
呢一個section大約傾咗10分鐘左右，之後就去咗另一間治療房，換完衫之後就趴係床到等治療師過嚟~治療師一嚟到，唔會即刻開始按摩或者做儀器住，會先係評估一下背脊骨、肩胛骨有冇問題，因為好多時如果有胸型問題，其實都關肩胛骨、高低膊事，咁菅式美容嘅治療師會用肉眼，同時又摸吓背脊咁樣，去睇吓骨骼有冇咩移位嘅問題~
菅式美容嘅治療師摸到我有高低膊，其實我自己有時影相都會發現呢個問題，但就估唔到都係導致大細胸嘅原因之一......了解完身體有咩問題，菅式美容嘅治療師就會先由背脊開始進行按摩，唔好睇佢地嘅治療師都係女仔，佢地按摩起上嚟都幾大力架！係完全會feel到痠痛個種，有幾個位按落去直情係差啲嗌咗出聲！但按完之後，真係feel到背脊鬆咗，同埋斜方肌個位都冇咁緊~
按完背脊，就會集中處理返胸部範圍~同樣都係用人手按摩胸部，通一通胸部附近嘅淋巴，呢一part同樣都會有痠痛嘅感覺，如果怕痛嘅女仔，就真係要認真考慮吓係咪真係要做啦......完成咗按照，就會用紅外線儀器，好似2個杯咁放係個上面，促進返胸部循環，做埋部機，成個菅式美容美乳骨気就完成啦！
一做完菅式美容美乳骨気，最令我驚嚇個位係，背脊同個胸都變曬紫紫瘀瘀咁，好多又紅又紫嘅瘀痕出曬嚟，雖然掂落去唔係好痛，但係就有啲礙眼囉，如果著背心吊帶，分分鐘被人以為你被人打lol，所以建議真係要去做嘅話，最好帶定件外套啦~
除咗皮膚有瘀紅之外，我諗最重要嘅都係究竟做完菅式美容美乳骨気之後，到底有冇即時升Cup效果！講真，咁樣按摩完一大輪之後，個胸點都有大到嘅，但你話係咪即時升到1Cup？咁就未必囉......不過個胸型望落係集中咗、立體咗，同埋上胸有返少少pump漲咗嘅效果~
但係持久度方面，菅式美容美乳骨気就唔係好持久啦......我做完一次之後，大約一個星期就打回原形，我諗可能係除咗要定期去做菅式美容美乳骨気按摩改善外，平日都要由姿勢、內衣入手，咁樣先至可以有效維持到菅式美容美乳骨気個豐胸效果~
試做完菅式美容美乳骨気之後，個即時效果係令我幾impressed，但係就唔係keep到好長時間，做嘅時候係幾痛吓，不過按摩完又真係有一身鬆曬嘅感覺，所以我就覺得菅式美容美乳骨気有好有唔好，你可以睇吓自己係咪忍得痛，同埋有冇恆心長時間做落去~
講完菅式美容美乳骨気，另一個我想介紹嘅豐胸療程，我諗會適合多啲人，因為我試做完之後，成個過程都係無痛嘅(中間我仲訓著咗添~)，而且效果都唔錯，雖然比起菅式美容美乳骨気，即時個效果冇咁誇張，但係個性價比方面，我就覺得高過菅式美容美乳骨気啦~
我想介紹嘅，就係New Beauty B6 升級豐胸療程~New Beauty我諗好多人都有聽過啦，因為佢地係youtube、Facebook個啲都成日賣廣告(笑)，有人話New Beauty嘅廣告好洗腦，呢一點我都認同嘅......不過不得不提，New Beauty嘅B6升級豐胸療程又真係幾正嘅~
點解我會話New Beauty B6升級豐胸療程性價比高過菅式美容美乳骨気？頭先我都有話菅式美容美乳骨気試做一次要$380，不過New Beauty B6升級豐胸療程就更加抵，因為佢地係免費體驗架！
要登記New Beauty B6升級豐胸療程嘅免費體驗一啲都唔難，上佢地官網就有得book！真係極之方便！book完收埋confirm sms就搞掂~之後係booking個日，我去咗New Beauty旺角朗豪坊分店，地點位置極方便，做完B6升級豐胸療程仲可以去行吓街添！
去到New Beauty舖頭，都係先坐底等等，同埋填返個人資料，填完登記好，過咗5分鐘左右，就有位New Beauty嘅顧問職員出咗嚟，帶我去間顧問房~嚟New Beauty做B6升級豐胸療程嘅免費體驗，係包咗一個胸型分析，過程會係由美胸顧問評估吓有咩胸部問題，好似大細胸、副乳之類，雖然呢個section要除衫，但係New Beauty嘅顧問都好nice同caring，唔會笠亂掂你個胸，唔會覺得唔舒服的~呢part consultation大約要15分鐘，過程中你有咩問題都可以問，好似你想有咩豐胸效果咁樣，你都可以話比New Beauty嘅顧問知，咁佢地都會講吓有咩改善方法~
大家可以放心，胸型分析呢一part係冇任何hard sell成分，真係集中講個胸有咩問題，唔會sell療程~check完個胸之後，就可以著返衫去另一間治療房，就真係開始做B6升級豐胸療程啦~
相比菅式美容美乳骨気，B6升級豐胸療程嘅過程係比較簡單，治療嘅部分都集中係個胸同附近嘅淋巴位置，部機按落個胸同格肋底個陣，係會有少少嘅痠軟感，不過又未去到極痛，對我嚟講都接受到~過程中仲會集中將副乳同背脊嘅脂肪推返去胸到，令到個胸型圓啲、立體啲，做完B6升級豐胸療程之後，我仲意外咁發現手臂幼咗好多！證明原來我都有幾多胸部脂肪走咗位去手臂......
做完New Beauty B6升級豐胸療程之後，個即時效果都有嘅，但係我就覺得好似冇菅式美容美乳骨気咁勁，不過New Beauty B6升級豐胸療程都提升到胸型，比起一開始未做療程個陣，個胸型有挺到、有集中到，背脊望落都薄咗，自然成個人企起身都會直咗~
值得一讚嘅係，唔似菅式美容美乳骨気，New Beauty B6升級豐胸療程係過程中冇咩刺激感，唔會係個胸同背脊到留底啲瘀痕，就算做完B6升級豐胸療程，即時著返小背心，甚至去沙灘著比堅尼游水都得！唔洗等啲瘀痕散，呢一點係方便過菅式美容美乳骨気！
另外，做緊B6升級豐胸療程個陣都幾舒服架~個過程似按摩嘅感覺多啲，可能菅式美容美乳骨気個目的係要改善骨骼移位嘅問題，所以菅式美容美乳骨気按落去係深層好多，亦都痠痛好多......不過B6升級豐胸療程就比菅式美容美乳骨気輕鬆少少，雖然冇按摩得咁深層，但我覺得都已經好舒服，而且按摩完，個胸都有變大到，兩者都有差唔多嘅效果，就睇吓大家怕唔怕痛啦......
仲有仲有，持久度方面，B6升級豐胸療程會比菅式美容美乳骨気好少少，個胸漲咗、挺咗嘅效果，唔會幾日就消失咗，New Beauty嘅顧問話，每做完一次B6升級豐胸療程個效果，係可以keep到去下次療程個陣，所以先至可以做到升級嘅效果~聽到佢咁講，我都覺得幾合理，如果每次做完豐胸療程，隔幾日就打回原形，咁咪即係每次去做treatment個陣都係「砍掉重煉」？
今次分享完菅式美容美乳骨気同埋New Beauty B6升級豐胸療程，唔知道大家又有興趣試邊一個呢？菅式美容美乳骨気就針對骨骼移位、連背脊都照顧埋，至於New Beauty B6升級豐胸療程就過程舒服啲，不過都有唔錯嘅豐胸效果~至於性價比方面，菅式美容美乳骨気一次試做就盛惠$380，而New Beauty B6升級豐胸療程就係免費體驗！個人嚟講，有免費嘢就點都一定會試咗先(笑)！
如果大家都想試做吓New Beauty B6升級豐胸療程嘅話，都可以去New Beauty官網登記，或者click下面呢條link，都可以輕鬆book到！~
留言列表
